ҚАЗАҚ ТІЛІ МЕН ӘДЕБИЕТІ АПТАЛЫҒЫ

Қазақ тілі апталығы аясында 3-сынып оқушылары арасында «Тіл – тірегім, соғып тұрған жүрегім» атты сайыс ұйымдастырылды. Іс-шараның мақсаты – оқушылардың мемлекеттік тілге деген қызығушылығын арттыру, тіл байлығын дамыту, сондай-ақ ана тіліне деген құрмет пен сүйіспеншілікті қалыптастыру.

Сайыс барысында оқушылар екі топқа бөлініп, түрлі қызықты тапсырмаларды орындады. Қатысушылар сұрақтарға жауап беріп, жұмбақтар шешіп, тілге байланысты ойындар мен логикалық тапсырмалар арқылы өз білімдерін көрсетті. Әр кезеңде оқушылар белсенділік танытып, тапқырлықтары мен білімдерін ортаға салды.

Сайыс өте қызықты әрі тартымды өтті. Оқушылар бір-бірін қолдап, топпен жұмыс істеудің маңыздылығын көрсетті. Мұндай шаралар оқушылардың танымдық қабілеттерін арттырып, мемлекеттік тілге деген құрметін нығайтуға үлкен ықпал етеді.

Іс-шара соңында оқушылар көтеріңкі көңіл-күймен тарасып, сайыс барша қатысушылар үшін әсерлі әрі есте қаларлықтай болды.