ҚАЗАҚ ТІЛІ МЕН ӘДЕБИЕТІ АПТАЛЫҒЫ

Тілдер апталығы аясында оқушылардың тілге деген қызығушылығын арттыру, мемлекеттік тілдің мәртебесін насихаттау және көптілділікті дамыту мақсатында «Тіл – достық көпірі» тақырыбында 8 сынып оқушыларымен қызықты квест ұйымдастырылды.

Квест барысында оқушылар бірнеше кезеңнен өтіп, түрлі тілдік тапсырмаларды орындады. Олар мақал-мәтелдерді жалғастырып, сөздердің мағынасын тауып, жұмбақтарды шешіп, тілге қатысты сұрақтарға жауап берді. Әр тапсырма оқушылардың білімін ғана емес, тапқырлығын, жылдамдығын, логикалық ойлау қабілетін және топпен жұмыс жасау дағдыларын сынады.

Іс-шара барысында оқушылар белсенділік танытып, бір-біріне қолдау көрсетті. Квест қызықты әрі көңілді атмосферада өтіп, оқушыларға жақсы көңіл-күй сыйлады.

«Тіл – достық көпірі» – әртүрлі тілдер мен мәдениеттерді жақындастырып, өзара сыйластық пен достықты нығайтатын маңызды құндылық екенін көрсетті.